• Triangle Няма святла? тэлефануйце: 144

"Лепшага па прафесіі" выбіраюць на Лукомльскай ДРЭС

У конкурсе прафесійнага майстэрства "Лепшы па прафесіі 2021 года" прымуць удзел прадстаўнікі 16 прафесій з асноўных цахоў электрастанцыі. Пераможцы і прызёры мерапрыемства будуць узнагароджаны грашовымі прэміямі.

У цэху цэнтралізаванага рамонту ўжо прайшоў 1 этап спаборніцтва, які ўключае праверку тэарэтычных ведаў па прафесіі "аператар па кіраванні грузапад'ёмных механізмаў з падлогі". Праведзена жараб'ёўка перад другім, практычным этапам.

Паралельна ў котлатурбінным цэху праводзіцца конкурс сярод старэйшых машыністаў і машыністаў энергаблока. Удзельнікі праходзяць на ПЭВМ тэставыя праграмы праверкі ведаў па ахове працы, навыкаў аналізу эканамічнасці рэжыму працы катла і турбіны, па пытаннях пускаў блокаў з розных цеплавых станаў і шмат чаго іншага.

Конкурс прафесійнага майстэрства праводзіцца на буйнейшай станцыі краіны штогод напярэдадні Дня энергетыка. Па выніках праходжання ўсіх заданняў выбіраюць лепшых работнікаў, якія сталі сапраўднымі прафесіяналамі сваёй справы.

Iнфармацыя
Адміністрацыйныя працэдуры
Падключэнне да сістэмы электразабеспячэння